صدمة جيل

قرا و حلم و تمنى            شي خدمة زينة
شد لباك أو تهنى        أو تلقى لخدمة كاينة
الفقر صعيب ما يرحم      و احنا بآمالنا ضحينا
جانا التعليم,جانا الهم     غمضنا عينينا و سنينا
على كنترا كتهدم         بنودها احتكار لينا

الخلا قدر محتم            كان كايتسنا فينا
ساقونا    كالغنم        أو شيرا تعلموا فينا 
مشينا سويع حتى داز الدم        قلنا لواجب كاينادينا 
شفنا ناس ماكترحم         قليلة لقلوب لحنينة 
ديور مافيها شراجم او    فنعاس شتا صبت علينا 
  عامرة,مسكونة بالجن          فليل يدقوا علينا 

شحال كلينا لخبز كارم      أو بلمعلقة ياما تغدينا 
 شفنا ناس مكتحتارم         شحال تعداو علينا
بعينينا شفنا الظلم         أو لهضرة ما قدينا
هدا واقع كايصدم      واحنا من لغوات عيينا
ساليير كايتقادا تم,تم      كيبقى غير نمدوا يدينا
شحال من واحد استسلم          بزاف هاجروا فينا
اللي بقا فينا راه ندم             حنا كلنا تسطينا 

ما كاين غير جبد أو برم     إلى بغيتي تخدم فلمدينة
كتدير حتى تخدم        أو نتا قلبك فيه غبينة
صبرنا أو رضينا بالهم    أو حنا الهم مارضى بينا
هد لكلام ليك باش تعلم       أما حنا الله غاينتقم لينا